PROGERIA

  Progeria haurtzaroan agertzen den gaixotasun genetiko oso arraroa da. Geneen mutazioen ondorioz agertzen den gaixotasuna da, bere ezaugarri nagusia zahartze goiztiar eta bat-batekoa da.8 Milioi jaioberritatik batengan agertzen da eta beren bizi itxaropena 13 urte ingurukoa izaten da. Gaixotasun honen era larriena Hutchinson-Gilford sindromea da.

    Gaixotasunaren lehen sintoma haurraren hobekuntza eza da, hau da, ez du pisua hartuko eta gutxi haziko da. Gainera, esklerodermia (azal gogortua) izango du azalean. Denborak aurrera egin ahala sintomak nabarmenagoak izango dira. Hazkuntza mugatua izaten da , burusoiltasuna, aurpegi eta masailezur txikiak... Gaixotasun hau duten haurrak tamaina txikikoak eta hauskorrak dira, adineko pertsona bat bezala. Aurrerago, azala zimurtu egiten da, bihotzeko arazoak agertzen dira.

    Oraindik ez dago benetan eraginkorra den tratamendurik. Tratamendu gehienak sintomen aringarriak edo bihotzeko arazoak ekiditeko erabilgarriak dira. Dosi baxuetan aspirinak eta dieta hiperkalorikoak erabiltzen dira. Hazkuntza hormonarekin tratamendua egiten ere saiatu dira.Gaixotasunaren sortzailea den genea aurkitu ondoren, minbizi aurkako farmako batekin tratamendua burutzea proposatu zen  oraindik ez du sendabiderik gaixotasunak.